10-11-сынып оқушылары арасында балалардың өмір құндылықтары туралы түсініктерінтереңдету, өмірге деген құштарлықтарын ояту мақсатында мектеп психологы Байжакупова Ш.М. «Өмір қымбатсың маған» тақырыбында тренинг өткізді.

2021 жылдың 10 қыркүйек күні І. Жансүгіров атындағы орта мектебінде 10-11-сынып оқушылары арасында балалардың өмір құндылықтары туралы түсініктерін тереңдету, өмірге деген құштарлықтарын ояту мақсатында мектеп психологы Байжакупова Ш.М. «Өмір қымбатсың маған» тақырыбында тренинг өткізді. Тренинг сабақ «Өмір жыры» өлеңімен басталып, «Өмір қымбатсың маған»презентациясын көрсету арқылы  өмір құндылығы жайлы түсінік берді. Сонымен қатар  сұрақ-жауап түрінде «Ойлануға арналған балықтар», «Сөйлемді  жалғастыр», « Менің  мақсатым» сынды жаттығулар орындалды. Өмір құндылығын балаларға жеткілікті түсіндіру үшін «Екі бақа» әңгімесі мысалға келтіріліп, жәндік бақаның да өз өмірі үшін күресіп, жеңіске жеткендігі жайлы айтылды. Ал адам баласы   өзін - өзі  тәрбиелеуі , алдына  мақсат  қоя  білуі  керек. Сол  мақсатқа жету  үшін  адами  құндылықтарды  бағалай  отырып , “өз  өмірім  өзіме  құнды ” деген  қағиданы  басты  назарда  ұстауы  қажет екендігі түсіндірілді.